Inés Colmeiro (Silleda, 1979) asume este ano a dirección de Larpeiros, programa de cociña que volveu este mes a Televisión de Galicia (TVG) cun 17,2 por cento de cota de pantalla que a superou a media da súa cadea. Ábrese así un banquete de 18 episodios servidos os martes (22 h.), temporada que logo continuará con 26 entregas. Benigno Cam­pos, Tomás Alonso e os seus invi­tados preparan cada semana un prato típico da gastro­nomía galega cuxo guión "busca entreter cociñando ben, rico e a un prezo eco­nómico", apunta Colmeiro.

Fan irredenta de Perdidos ata o punto de levantarse de madrugada para ver o ca­pítulo final que Cuatro deu en sintonía con Estados Unidos, esta profesional compostelá de adopción asume o seu novo rol logo de tres anos e medio traballando co­mo guionista nesta forma­to cun renovado historial de boa audiencia.

"Por iso mesmo creo que o importante é manter o formato sen moitos cambios porque ó público lle gusta... Séguennos nenos, familias e xente maior, temos un perfil moi aberto. Tratamos a cociña de Galicia con cari­ño pero tamén con humor e iso axuda a chegar a público de distintas idades".

Formada en Comunica­ción Audiovisual, Colmeiro aclara que a receita do for­mato, que xa superou as 70 entregas, inclúe unha vo­cación firme de revalorizar os produtos da terra. Larpeiros adian­ta parte do contido sema­nal en Facebook, onde ten 1.200 seguidores agregados e un blog con fotos e receitas.