"El País" cae nunha trampa de La Sexta e anuncia boxeo malia telo prohibido

El Intermedio conseguiu que o xornal de Prisa El País anunciase boxeo, algo que prohibe o seu Libro de Estilo. Como no seu día pasou coa canle Intereconomía e o famoso vídeo da bolseira "vexada" por Wyoming volveu facer da súas. A historia comeza cando, na súa edición madrileña de antonte, o xornal recollía un anuncio dunha suposta "Gran velada de boxeo entre Javier Toro Esquina Vs. Manuel Rico". Este reclamo publicitario, que podería parecer normal, non o é tanto se temos en conta que, segundo o Libro de Estilo do diario, este non pode publicar "informacións sobre competición boxística". A reporteira Tania Llasera púxose en contacto co xornal para pór o anuncio dunha velada de boxeo ficticia, ofrecendo a cambio unha substancial suma de diñeiro. O obxectivo era claro: ver se o diario xeneralista máis lido de España prefería o diñeiro ou seguía cos ollos pechados os ditames do Libro de Estilo.