Chile gaña 48 anos despois

Os xogadores chilenos apláudenlles ós seus afeccionados tras impoñerse a Honduras no seu debut mundialista FOTO: EFE

Un gol de Beausejour a media hora de partido deulle a Chile a súa primeira vitoria mundialista en 48 anos e permitiulle ó equipo de Marcelo Bielsa sumar os seus tres primeiros puntos ante un frouxo Honduras (0-1) que, polo que mostrou onte pola tarde, se confirma como a cincenta do grupo.

0. Honduras: Valladares; Mendoza, Chávez, Figueroa, Izaguirre, Palacios, Guevara (Thomas, min.64), Álvarez, Núñez (Martínez, min.78), Espinoza e Pavón (Welcome, min.60).

1. Chile: Bravo; Illa, Medel, Ponce, Vidal (Contreras, min.81), Carmona, Millar (Jara, min.52), Fernández, Sánchez, Valdivia (Mark González, min.87) e Beausejour.

Goles: 0-1: Beausejour (min.34).

Árbitro: Eddy Maillet. Mostroulles cartolina amarela a Carmona, Matías Fernández, Wilson Palacios.

Campo: Primeiro partido do Grupo H do Mundial 2010, disputado no estadio Mbombela de Nelspruit ante 32.666 espectadores.

O último triunfo de Chile nun fase final da Copa do Mundo remóntase ó 10 de xuño de 1962, cando venceu, como anfitrioa, á ex Unión Soviética na cidade de Santiago (2-1). Desde entón, non puidera gañar nin un só encontro -sete derrotas e seis empates- nas súas seguintes catro participacións: Inglaterra 66, Alemaña 74, España 82 e Francia 98. En cambio, Honduras, que aínda busca o primeiro triunfo mundialista da súa historia, terá que esperar, porque hoxe se atopou cun rival moi superior no futbolístico e que mereceu, por xogo e ocasións, moito máis.

O de Chile pinta ben. É un equipo dinámico, veloz, atrevido, que xoga coas liñas moi xuntas, ó que lle gusta dar un bo trato ó balón e practicar un fútbol atractivo. Saíu a polo partido desde o primeiro minuto. E fíxoo atacando sen cesar polas ás, con dous laterais ofensivos como Vidal e Illa e cun Alexis Sánchez hiperactivo nas bandas que levou de cabeza os laterais hondureños. Aínda así, a Chile fáltalle instinto asasino se non ten a Humberto Suazo, o seu goleador, ó que Bielsa reservou onte despois de que o Chupete pasara as dúas últimas semanas recuperándose dunha lesión muscular.