As manifestacións esténdense por toda España e Francia

As manifestacións contra o recorte dos dereitos e salarios dos traballadores esténdense por España e Francia: numerosas cidades españolas acolleron onte protestas de funcionarios da sanidade ou policías, mentres no país veciño millóns de persoas respondían á convocatoria de folga xeral contra a intención do Goberno de Sarkozy de atrasar a idade de xubilación. Con todo, a máis destacada manifestación da xornada foi a que protagonizou en Madrid o ex garda de seguridade Dionisio Rodríguez Martín, El Dioni, que se plantou na Porta de Alcalá cunha pancarta na cal ameazaba a Zapatero con roubar outro furgón se lle conxelaba a pensión, xa que el, agora, é outro pensionista máis.