Sócrates acepta falar da débeda lusa con Merkel

O primeiro ministro luso, José Sócrates, aceptou onte a invitación da chanceleira de Alemaña, Angela Merkel, para falar da crise da débeda portuguesa e os próximos consellos europeos e anunciou que acudirá a Berlín o mércores. O encontro entrambos os mandatarios responde a unha iniciativa da dirixente alemá, segundo declarou unha fonte da oficina do primeiro ministro luso. Na entrevista entrambos os gobernantes, falarase do Consello Europeo extraordinario do 11 de marzo e o ordinario do 24 e 25 de marzo, así como da utilización do Fondo Europeo de Estabilización Financeira para axudar de forma máis efectiva ós países en dificultades financeiras. Portugal, que vive a súa peor crise económica nos últimos 30 anos, defende un futuro mecanismo europeo de asistencia con capacidade financeira de ata 500.000 millóns de euros.