A Ánxel Casal programa "Garabolis" e "Amor ansioso"

A Biblioteca Ánxel Casal proxecta hoxe ás 20:00 horas dúas curtametraxes: Garabolis de Alfredo Pardo e Amor ansioso de Sergio Pena.

Garabolis, candidata aos Premios Mestre Mateo 2010, é unha comedia muda ambientada nos anos 40 sobre un conto escrito polo xornalista Manuel Guisande, con música orixinal de Miguel Costas e cartel de Xaquín Marín. Amor ansioso, do director e guionista novel Sergio Pena e música de Dom Aiken, é un thriller que retrata a nosa sociedade actual a través dunha trama que xira arredor dun romance pouco convencional. Pena é compositor especializado en música para o cine.