A cabaza "Xubi" convértese na mascota dos peregrinos

Elisardo Temperán, á esquerda, con Agustín Dosil Maceira e Alberto Permuy, posando onte coa mascota ‘Xubi’ FOTO: Fernando Blanco

O Pelegrín, nacido no Xacobeo de 1993, marcou toda unha época, no que a mascotas se refire, pero o seu tempo pasou e foi caendo no esquecemento.

Por iso agora acaba de nacer Xubi, a mascota ofi­cial da peregrinación a Santiago creada pola Fun­dación Ad Sanctum Iaco­bum Peregrinatio, que se presentou onte e cuxo obxec­tivo é perdurar no tempo ó longo dos anos.

A mascota, creada polo deseñador galego Al­berte Permuy e o seu estudio reflicte a integración dun bastón e unha cabaza en tons azuis e verdes. A fundación creada hai dous anos, está dedicada á atención e acollida de pe­regrinos, que na actuali­dade ten en marcha a construción de varios al­bergues co apoio da Xunta.

Así, parte dos fondos resultantes da difusión de Xubi irán destinados ó mantemento deste tipo de infraestruturas ofreci­das ós peregrinos. Os produtos de Xubi venderanse nos distintos esta­blecementos do Camiño de Santiago a partir da semana que vén e entre eles destacarán "contos, xogos, camisetas, gorras e cadernos de viaxe", como apuntou na presentación o deseñador Alberte Per­muy.

Xubi tamén terá a súa propia televisión en Inter­net (www.xubi.tv), na cal os peregrinos poderán percorrer virtualmente o Camiño de Santiago ata chegar á Catedral e que estará en funcionamento a próxima semana.

O bastón e a cabaza son os símbolos nos que se inspirou Permuy para esta creación, "dous dos elementos esenciais da antiga indumentaria dos peregrinos xacobeos" cos cales os camiñan­tes se "defendían e se axu­daban", segundo sinalou Permuy.

Así pois, Xubi nace con esas mesmas intencións, "axudar e colaborar con todos os viaxeiros a facer o Ca­mino", segundo afirmou o vin­cepresidente da Fundación Ad Sanctum Iacobum Peregrina­tio, quen aclarou que con esta mascota non pretenden com­petir co antigo Pelegrín, cuxa utili­zación se extin­guiu, "senón axudar na captación de recursos" para as ac­tividades realizadas por esta fundación.

Respecto diso, os promoto­res de Xubi resaltan a ne­cesidade dunha mascota para a peregrinación nestes tempos nos que "o simbolismo de con­cordia, inocencia e afec­tividade" é "máis necesario que nunca".

Desde a fundación creadora subliñan que esta mascota non está pensada para ser un boneco transitorio máis, senón que aspira a ser "embaixador da ruta peregrina en todo o mundo" e trascender este Ano Santo.