A escena compostelá dálle a benvida ó ‘Tres’ de The Homens

The Homens veñen de sacar o seu terceiro disco, ‘Tres’ FOTO: Janite

Son tres e presentan Tres, o seu primeiro disco logo de dous elepés. The Homens presenta ás 22.00 horas desta noite o seu novo traballo nunha festa que terá como escenario a sala Nasa e á que acoderá a meirande parte da escena da capital galega para saudar un disco que está a colleitar excelentes críticas.

O trío composto por Martin Wu, Roi e Xocas compartirá escenario con amigos como Fanny & Alexander, e prepara algunha sopresa da man da colaboración nalgúns temas dos integrantes de Projecto Mourente e dos Samesugas.

A banda presentará os once temas que compoñen o seu disco, aínda que fará concesións ós seus seguidores, interpertando temas anteriores e coñecidos como Desaparece ou Sandra Dee.

O bolo de presentación chega no momento máis doce dos seus tres anos de existencia, grazas a un traballo pulido pola man de Santi García nos estudos Ultramarinos Costa Brava, cuxa producción lle engadiu matices á proposta de power pop da banda.

Ademais, a discográfica Falcatruada editou o cedé e lanzou ó mercado unha edición limitada en vinilo.

As entradas para o concerto custan oito euros e poden mercarse no despacho de billetes ou a través da páxina web da sala www.salanasa.com.