A fenda da indiferenza

Disque medra para mal a distancia entre o uso das novas tecnoloxías nas provincias do interior e as da costa. E a quen lle importa? A case ninguén. Por iso agranda e vai agrandar aínda máis. Non pasa porque teña que pasar. Sucede pola mesma razón que perden poboación, renda ou servizos, ano tras ano. Pola indeferenza coa que as administracións e os mercados adoitan castigar os que son poucos e viven nas periferias. Nin como votantes nin como consumidores compensan o custo de darlles as mesmas oportunidades que gozamos os que moramos nas zonas céntricas, tan ben comunicadas e con tantos votantes. antonlosada.blogspot.com