Medo á liberdade

Disque ao meu amigo Roberto Blanco Valdés foron tentar meterlle medo, para que cale e non siga dicindo o que pensa. Perden o tempo. Porque eu ben sei, polo moito que levo discutido e parolado con el, que afortunadamente Roberto non é dos que calan, e porque neste país non toleramos nin amparamos nin xustificamos, baixo ningún concepto ou argumento, agresión ningunha, nin pequena nin grande, contra a liberdade, por parte dos que tanto a temen. Entre nós, nunca tiveron sitio e non van empezar agora. Non hai nada tan pouco galego como terlle tanto medo á liberdade como para querer facerlle mal.