Estatuto ou intelixencia

Disque o Goberno central díxolle a O Noso Alberto que se quere competencias, que reforme o estatuto. Outro argumento máis para que este Goberno acredite a única habilidade que ten probada até hoxe: chorar polo que non lle deixan facer. Outro argumento máis para constatar as dimensións do erro histórico cometido polo PP ao bloquear a reforma do Estatuto a maior gloria de O Noso Mariano. Se a destrución do Bipartito non fora o seu único programa de goberno, era o momento de que O Noso Alberto lle recordase con intelixencia a Chaves que hai un documento, recoñecido oficialmente polos dous executivos, onde se fixan 50 ámbitos competenciais abertos á negociación coa base legal do actual Estatuto. Pero, para iso, hai que querer gobernar. antonlosada.blogspot.com