Dereito fundamental

Disque miles de galegos saíron onte Compostela adiante para reclamar con alegría e sen complexos o noso dereito a vivir en galego. Un dereito que non só non está garantido senón mesmo ameazado. Intenten senón educar os seus fillos integramente en galego, que lle impartan xustiza en galego ou que o enterren en galego e verán que é unha misión de audaces cando non imposible. O que si está garantido é o dereito a vivir en castelán, e paréceme ben. O futuro do galego non depende do castelán, senón de nós mesmos. O que nunca entenderei é por que para algúns o futuro do castelán depende da marxinación e da destrución do galego.