Política do revés

Disque a oposición e o Goberno se botan os trastos á cabeza a conta da crise, a ver quen a fixo máis gorda cando mandaba. Disque no noso Parlamento, populares e bipartitos intercambian acusacións sobre quen vai facer máis uso electoral da mala situación. Non aprenden. Logo de tantas crises como levamos pasadas xuntos, os polí­ticos seguen indo ao revés. Primeiro buscan un culpable e até que non nos cren convencidos de que a culpa foi do outro, non empezan a preocuparse por buscar solucións. A xente corrente razoamos na orde contraria. Primeiro queremos dar coa solución e comprobar que funciona e despois xa se lles axustarán as contas aos culpábeis, que para iso sempre sobran tempo e ganas.