Contas e contos

Disque Cai-xanova non quere a fusión e que prefire ir polo seu camiño. Antes de que ninguén os acuse de localismo ou personalismo, viría ben debater con números e argumentos. Para ser un asunto de cartos e onde todo adoita estar tan ben cuantificado, resulta desconcertante que todo o mundo fale da fusión das caixas sen cantar as cifras de facela ou non. Todo se lles volve falar de ambigüidades que significan pouca cousa, como iso da galeguidade. Falamos de custos e beneficios para os aforradores, os traballadores e o país. Os que mandan, que boten as contas e nolas conten, que os contos do sentimento e do patriotismo xa os pomos nós. antonlosada.blogspot.com