Farjas ataca de novo

Disque a conselleira máis animosa do Noso Alberto volveu armar unha boa co dos estudos de Medicina, como xa a leara antes co do hospital de Vigo, cos abracadabras de pacientes en lista de espera ou co das peonadas. En vez de respectar a autonomía da USC e deixar na neveira o asunto da segunda facultade, que é onde debe estar porque nin toca nin urxe, meteuse a fabricar informes á medida para gañar uns titulares na prensa local. Agora temos armada unha desfeita que vai custar tempo e paciencia recompoñer sen que ningunha das institucións implicadas acabe chorando. Xa advertimos aquí de que esta conselleira tiña un potencial inmenso para o desastre, e non está defraudando.