Empregados do 112 maniféstanse a prol de melloras laborais

Uns 25 traballadores do 112 manifestáronse onte ante o Parlamento de Galicia para reclamar melloras laborais e a subrogación do servizo de urxencias, que actualmente xestiona unha empresa subcontratada con 78 empregados en persoal. Concentrados ante as portas da Cámara sobre as 11.30 horas, a presidenta do comité de empresa, Isabel Moalres Rey, explicou que o problema "ten unha fácil solución" que evitaría posibles "despedimentos" derivados de que poida saír elixida unha nova empresa para xestionar o servizo ó convocarse anualmente a concesión. A pesar das reunións mantidas xa cos PSOE, PP e BNG, os manifestantes denuncian a "negativa" da Consellería de Presidencia, da que depende este servizo que se ocupa das urxencias aéreas e terrestres, a reunirse cos traballadores da firma MK Plan 21. Denuncian, ademais, que están suxeitos "ó convenio dás empresas de telemárketing", situación que consideran "inadecuada" ante os condicionantes propios dun emprego que lles obriga a estar "dispoñibles" as 24 horas ó día. Neste sentido, tamén piden que se lles paguen as gardas, que ata o momento "non son retribuidas".

En resposta a estas denuncias, a Xunta emitiu onte un comunicado no que destacan que é un conflito no marco do convenio colectivo que só atinxe aos traballadores e a empresa MK Plan 21, "en ningún caso coa Xunta", que, lembrou, fixo un "importante esforzo pola contratación".