"Galicia, mellor sen touradas" quéixase da Galega

A plataforma Galicia, Mellor Sen Touradas trasladou unha queixa ante o Valedor do Pobo pola posíbel censura dunha opinión que criticaba a tauromaquia no portal de Internet de informativos da Televisión de Galicia (TVG) o pasado 6 de agosto, segundo informou onte esta organización. Nun comunicado, a plataforma asegura que a noticia "foi emitida no telexornal da tarde, pero non aparece no portal dos informativos".