Francisco Mantecón para o valenciano Ángel González

O VIII Concurso Internacional de Cartelismo Publicitario Francisco Mantecón, convocado por Terras Gauda, outorgoulle onte os seus premios a un total de catro carteis de España, Estonia, Estados Unidos e Polonia, elixidos de entre máis de 1.400 obras enviadas dende 45 países de todo o mundo.

O primeiro premio, dotado con 10.000 euros, recaeu sobre o deseñador valenciano Ángel Luis González, o traballo do cal será a imaxe da adega para o próximo ano. Ademais, entregáronse dous accésits de 2.000 euros cada un, o primeiro á deseñadora dos Ánxeles Julia Anne Luke e o segundo ao artista gráfico de Estonia Robi Joeleht, e unha Mención Especial a Dorota Cichon, de Polonia.

Estes galardóns supoñen unha achega económica total de 16.000 euros por parte da adega galega e foron entregados onte en Vigo no transcurso dun acto presidido polo xefe do Executivo galego, Alberto Núñez Feijóo. Entre os convidados destacaron o delegado do Goberno en Galicia, Antón Louro; o alcalde, Abel Caballero; ou a presidenta da Autoridade Portuaria, Corina Porro, entre outros.