O condutor do coche que atropelou a Enaitz Iriondo, Tomás Delgado Bartolomé, e que reclamaba ós seus pais 20.000 euros polos danos ocasionados no vehículo, retirou a demanda civil ó sentirse, en palabras do seu avogado, "mancillado".
O Xulgado número Un de Haro ía acoller hoxe, ás 09.30 horas, a vista oral do xuízo. Con todo, o demandante, que non se presentou na sala de vistas, comunicou, a través do seu avogado, que desiste da acción xudicial.
O avogado explicou que o seu defendido tomara esta decisión ante o acoso ó que, segundo dixo, foi sometido o seu cliente e as descualificacións vertidas contra a súa persoa en diferentes medios de comunicación.
Os pais de Enaitz aceptaron a retirada da demanda, a través dos seus avogados, aínda que reiteraron que teñen probas para desestimar o que el pedía.
Á saída dos xulgados a nai de Enaitz, Rosa Trindade, afirmou que non están "satisfeitos do todo", aínda que considerou que foi "unha primeira vitoria" e "un paso adiante".
"A súa actitude de retirar a demanda demostra que el sabe que non ten a razón", sinalou. Agora, engadiu, esperan que se abra a vía penal no caso do atropelo, despois de que o fiscal xefe do Tribunal Superior de Xustiza da Rioxa reabra o caso con dilixencias informativas.
RSS
Portada » Última Hora | 
|
