Hemeroteca web  |  RSS   RSS
Xoves 17.12.2009

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1
  • Imprimir
  • Enviar por correo

SEXTA EDICIÓN

Vangarda e ideas nos Premios de Eganet

Representantes das entidades premiadas e finalistas no Auditorio de Galicia, onte.  - FOTO: Mauro Smyth
Representantes das entidades premiadas e finalistas no Auditorio de Galicia, onte. - FOTO: Mauro Smyth

EN REDE . SANTIAGO
A- A+

La Nuestra Comunicación Publicitaria, Ir Indo Edicións, Buenas Ideas en Acción, Fausto Deseño Asociados, Imaxin Software, Continental Producciones, NEO, Teimas Desenvolvemento, a USC e a Plataforma Vindeira foron as entidades e empresas gañadoras nas distintas categorías da VI edición dos Premios Eganet, cuxos galardóns se entregaron onte en Santiago.

A Asociación de Empresas Galegas Adicadas a Internet e ás Novas Tecnoloxías xuntou onte preto de 200 persoas no Auditorio de Galicia, nunha gala que comezou coa benvida da presidenta de Eganet, Beatriz Legerén e que pechou Víctor López, membro da directiva, quen lles pediu a todos os axentes, en especial ás administracións públicas, que fixen a súa atención no sector TIC galego ó planificar e xestionar as políticas sectoriais. López considerou como grande oportunidade de desenvolvemento do sector TIC galego a inmediata implantación da e-Administración. "Pedimos o apoio das institucións e ofrecemos, pola nosa parte, toda a colaboración necesaria", subliñou.

 

Os galardóns para as mellores ideas e proxectos

O premio Publicidade Online recibiuno La Nuestra Comunicación Publicitaria, con sede en Oleiros, pola edición do 2008 da campaña Movemento contra a Lei de Murphy, de prevención de riscos laborais e dirixida ó alumnado de Formación Profesional.

O galardón á mellor Aplicación Online foi para Ir Indo, con sede en Vigo, polo dicionario en liña Digalego.com, con máis de 65.000 entradas.

Recibiu o premio E-Commerce Buenas Ideas en Acción, de Pontevedra, pola web Planetapluton.com, de comercio en liña especializado en produtos novidosos.

O premio Software Libre foi para a Oficina de Software Libre da Universidade de Santiago, que ten como meta promover e implantar o software libre na comunidade universitaria.

Fausto Deseño Asociados, de Santiago, recibiu o premio Comunicación Web por O Universo de Galimatías (www.ouniversodegalimatias.com), que trata de achegarlles a rapaces de entre os 14 e os 18 anos contidos culturais en galego.

O premio Cultura Dixital foi para Continental Producciones, con sede na Coruña, por Evento Ligado á Extinción (ELE), videoxogo de acción (First Person Shooter), creado para ser o primeiro videoxogo galego de distribución internacional.

A Factoría de Software e Multimedia (Imaxin Software), de Santiago, recibiu o galardón ó mellor ambiente laboral.

O premio Tecnoloxía Accesible foi para Neo, con sede na Coruña, por Bildo, a Comunicación Universal, un videotradutor virtual deseñado para facilitarlles ás persoas xordas a comunicación en Lingua de Signos Española.

Teimas Desenvolvemento obtivo o premio E-emprededores. Tamén compostelá, é unha empresa de desenvolvemento de software como servizo dispoñible en internet e que achega solucións tecnolóxicas para o sector ambiental.

E o Premio Especial Eganet foi para a Plataforma Vindeira, creada no ano 2006 con sede na Escola Técnica Superior de Enxeñeiros de Telecomunicación de Vigo como un punto de encontro e diálogo de todos os axentes relacionados co sector das TIC.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS