Hemeroteca web  |  RSS   RSS
Venres 28.11.2014  | Actualizado 14.16

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1
  • Imprimir
  • Enviar por correo

PORTA DE PALLA

Conselleiros de TV

XOSÉ M. RIVAS TROITIÑO  | 23.09.2011 
A- A+

Que un xornalista –ou un xuiz ou médico- sexa nomeado para un cargo público non debe siñificar que deixe de ser profesional para ser político. Pero na practica cando un xornalista pasa a ser conselleiro da radio ou televisión pública ou xefe de prensa de calquer gobernante esquécese con frecuencia de como deben ser as suas mensaxes para convertilas en propaganda. O que caracteriza ao xornalismo, a diferenza da publicidade comercial ou da propaganda ideolóxica, é que a mensaxe xornalística agotase en si mesma, busca somentes informar, non persuadir a mercar productos ou adherirse a partidos ou semellantes.

Do espectaculo dos conselleiros de TVE o que mais debe sorprender é que foran xornalistas de formación os que propuxeran e a maioría respaldaran esa vergoña. Teño amigos neses cargos. Pero cando son nomeados deberían por nas biografías: xornalista en excedencia, porque probablemente van deixar de comportarse como xornalistas na percura da verdade, da obxectividade, da información.

E tamén os que anuncian productos comerciais que non están contrastados. Coa sua voz e imaxe: poña non sei que calzado, consuma non sei qué iogur, invirta en non sei que banco….Tampouco neses casos actuan como xornalistas.

Se a sociedade quere manter a confianza no xornalismo como eixo dunha democracia, debe empezar a esixir esas delimitacións. Para que non haxa enganos. O xornalismo é unha cousa. O servicio a outras causas ou señores é outra. Non é nin mais nin menos decente. Só que non é xornalismo.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS