Catro novos títulos e tres duplicidades menos

Os tres reitores do SUG, de fronte, e á esquerda o conselleiro de Educación, Jesús Vázquez

O pleno extraordinario do Con­sello Galego de Universidades (CGU) aprobou a creación de catro novas titulacións e a eliminación de tres duplicida­deas que existían no cadro de graos adaptados ó Espazo de Estudos Europeos Superiores (EEES), que se impartirán en Galicia a partir do curso 2010-2011. No entanto, segundo a Con­sellería de Educación, a "falta de sintonía" entre os reitores para alcanzar dito acordo durante a reunión do pleno, que se estendeu ata ben entrada a noite o xoves pasado, fixo nece­sario modificar as Liñas xerais de implantación (asinadas en 2007) respecto da adaptación de titulacións. Ata agora precisábase o "acordo unánime", pero chegada esta fase e coa intención de superar posibles "discrepancias" que puidesen "bloquear" o proceso decidiuse cambiar ese punto e deixalo na "maioría de votos". O reitor da Universidade de Santiago , Senén Barro, restoulle importancia a este asunto e negou a existencia de ningún tipo de polémica entre reitores.

Froito destes acordos, crearanse o Grao de Dietética e Nu­trición Humana -conversión da licenciatura de Ciencias e Tecno­loxía dos Alimentos- e Grao en Ciencias da Cultura -conversión de Humanidades-, que se impar­tirán en Lugo; o Grao en Cen­cias Ambientais -conversión de Física-, en Ourense; e o novo Grao en Enxenería da Enerxía -conversión do título de enxeñeiro en automática e electrónica industrial-, que se impartirá no campus de Ferrol. Así, quedan eliminadas tres duplicidades no SUG, que se corresponden con Humanidades en Lugo -transfórmase en Ciencias da Cul­tura-, que se impartirá só en Ferrol; Ciencias e Tecnoloxía de Alimentos, que ó existir o mes­mo grao en Ourense elimínase en Lugo; e a exclusividade de Fí­sica en Santiago -desaparece en Ourense e pasa a chamarse Grao en Ciencias Ambientais-.