O TC debate se o padroado dunha virxe vulnera a liberdade

O Tribunal Constitucional debaterá nos próximos meses sobre a constitucionalidade de que a Inmaculada Concepción sexa patroa do Colexio de Avogados de Sevilla, pois un afiliado denunciou que tal recoñecemento vulnera a súa liberdade relixiosa e o dereito doutras confesións á igualdade.

A Sala Segunda do TC debe resolver sobre o recurso exposto polo letrado sevillano José Antonio Bosch, quen sostén que ser o Colexio de Avogados unha institución de afiliación obrigatoria para poder exercer, tal padroado vulnera a súa liberdade relixiosa e o seu dereito a non ter crenza algunha, e ademais todos os colexiados están obrigados a cumprir os seus Estatutos.

Os Estatutos do Colexio de Avogados de Sevilla, aprobados en 2004, proclaman que se trata dunha institución "aconfesional, aínda que por secular tradición ten como patroa a Santísima Virxe María". O demandante acudiu en amparo ó Constitucional tras esgotar a vía ordinaria dos tribunais en Sevilla, pois o Tribunal Superior de Xustiza de Andalucía (TSJA) ditaminou que ese padroado é legal.