Primeira vitoria do Pilotes Posada

O Octavio Pilotes Posada logrou a súa primeira vitoria da temporada ante o Antequera (29-21) e confirmou así as boas sensacións que tivera no seu debut ligueiro ante o Portland San Antonio.

29. Octavio Pilotes Posada: Javi Díaz, Tavarés (4,2p), Martinovic (6), Gustavo Alonso (1), Mitrovic (3), Prce (6) e Cerillo (2) -equipo titular- Infestas, Montávez (4), Macias (1), Sudzum (1) e Polakovic (1).

21. BM Antequera: Jorge Martínez, Alexis Rodríguez (4), Bustos (1), Lubej (2), Trivundza (8,2p), Obradovi e Prodanovic (2) -equipo titular- Pérez Canca (3), Kogovsek (1), Jahns, Curkovic, Chelu Cid e Ramos.

Marcador cada cinco minutos: 1-1, 5-1, 9-1, 10-4, 12-8, 14-8 (descanso); 17-10, 20-12, 21-14, 22-18, 26-19 e 29-21.

Árbitros: Pastor Gamón e García Fernández. Excluíron a Sudzum, Infestas, Prce por parte do Octavio, e a Pérez Canca, Janhs, Chelu Cid, A. Rodríguez (2) do Antequera.

Pista: Encontro correspondente á segunda xornada da liga Asobal disputado no pavillón das Travesas ante uns 1.000 espectadores.

O equipo galego sentenciou o partido en dez minutos horrorosos do equipo de Antonio Carlos Ortega. Nese tempo, o electrónico pasou do empate a un gol a un contundente 10-1 (minuto 15) tras un parcial 9-0. O Octavio, que tiña moi ben estudado ó seu rival, pechou ben o centro do seu defensa, polo que os problemas do seu rival se multiplicaron en ataque. Nin sequera un tempo morto de Ortega serviu para deter o ciclón galego.