O Congreso aproba a Lei do libro por unanimidade

"Esta Lei do libro é unha lei de todos e para todos nun sector vital para a cultura do país", asegurou a ministra de Cultura, Carmen Calvo, no Congreso, onde foi aprobada, por 301 votos a favor e ningún en contra, a nova Lei de lectura, o libro e as bibliotecas, un texto legal co que, segundo a ministra, "se cumpre un obxectivo estratéxico na política do Goberno".

Respecto ó momento máis polémico da nova norma, o do prezo fixo dos libros, fóra dos de libros de texto, a ministra de Cultura destacou no Congreso que "a lexislación regula o prezo único dos libros como recoñecemento da súa excepcionalidade cultural dentro dun sector que publica máis de 70.000 títulos anuais que non verían a luz no mercado se o sector só se rexese pola lei da oferta e a demanda". Aínda que, polo que ós texto se refire, "mantense o prezo libre, segundo o criterio do detallista que compite con outros detallistas, pero limitado polo réxime xeral de prezos que persegue prácticas como a venda con perdas".

Pola súa banda, os diferentes grupos parlamentarios mostraron o seu apoio á nova Lei do libro, aínda que tamén expuxeron diferentes posturas como o populares para os que, segundo a súa portavoz Beatriz Rodríguez Salmóns, "a Lei non está mal, está ben, pero non é unha boa normativa, porque debería ter máis contido".