A aldea de Xestas, un soño de vida verde

Permacultura é un concepto relativamente recente, desenvolvido a finais dos 70 polos australianos Bill Mollison and David Holmgren. No seu libro Permaculture One, Mollison and Holmgren propugnaban un modelo de agricultura sustentable que non sobreexplotase o chan nin destruíse a biodiversidade, como ocorre cos métodos de agricultura industrial. Este novo modelo, que sería desenvolvido en investigacións posteriores, foi bautizado como "permacultura", fusión dos vocábulos "cultura permanente".

A permacultura é un exemplo claro e útil, do que poden lograr as persoas cando, en lugar de loitar para oporse a algunha cousa, de forma máis positivista crean un sistema que demostre o contrario daquilo en contra do cal estaban loitando. E o sistema creado ten como un dos seus principios básicos exactamente isto. Masanobu Fukuoka, no seu libro A Revolución dunha brizna de palla é o que mellor exemplificou a filosofia da permacultura: "É unha filosofia para traballar xuntos coa natureza e non en contra, de observar prolongadamente e atentamente en lugar de traballar moito e descoidadamente, de considerar as plantas e os animais en todas as súas funcións en lugar de tratar os elementos como como sistemas dun só produto".

A ecoaldea de Xestas, situada no municipio de Porto do Son, acollerá a fin de semana próxima un encontro da Rede de Permacultura ibérica, na que participarán persoas de Galicia, Portugal, Asturias e Castela e León. O obxectivo é pór en común iniciativas relacionadas coa Permacultura.

Xestas constitúe un exemplo de recuperación e conservación ecolóxicas nun dos espazos máis degradados de Galicia e tamén dos máis belos. O domingo desenvolverase unha xornada de portas abertas para que todas aquelas persoas que o desexen poidan visitar Xestas. A aldea partía de tres casas e varios alpendres ruinosos, que foron transformados polos fillos do propietario nunha ecoaldea.

Os traballos comezaron no 1973 e prolongáronse por espazo de 25 anos coa recuperación paisaxística e de xestión sustentable do terreo, conformando un verdadeiro verxel no medio bo bosque.

Nun planeta en crise a miúdo as persoas senten incapaces de dar o cambio. A Permacultura ofrece solucións positivas aos problemas mundiais; usando a ecoloxía como base para estudar, deseñar e realizar sistemas perdurables. A Permacultura acolle baixo o seu paraugas tanto a sabedoría antiga como as modernas tecnoloxías. A cultura ecolóxica permanece viva.