Destino edita a terceira parte da serie "Millennium"

"Os personaxes femininos de Stieg Larsson son as "amazonas" do século XXI", afirmou onte o secretario de Estado para a UE e portavoz do PSOE, Diego López Garrido. O político presentou onte A raíña no palacio das correntes de aire (Destino), a última parte da triloxía literaria Millennium, de Stieg Larsson, xunto ó embaixador de Suecia en España, Anders Rnquist, e representantes da editorial Norstedts.

A obra de Larsson, falecido pouco antes de que se publicase a primeira novela da triloxía Os homes que non amaban as mulleres, segue xerando expectación. A serie, que trata o tema da violencia de xénero, vendeu máis de 15 millóns de exemplares en 40 países.

Na terceira entrega de Millennium desvélase un dato fundamental sobre que pasou con Lisbeth. Entre tanto, cunha Erika Berger totalmente inmersa nas loitas de poder e as estratexias comerciais do xornal Svenska Morgon-Posten, Mikael séntese moi só. As razóns que están tras o complot contra Salander van saíndo á luz. Larsson estaba convencido de que a súa triloxía sería un éxito editorial.