Uxía presenta o seu novo traballo ao longo de Brasil

Uxía viaxa por Brasil con Eterno Navegar, tras o éxito do espectáculo Cantos na Maré, que pechou o V Encontro de Negócios na Língua Portuguesa. Así, o Spirito Jazz de Vitoria será o primeiro porto no que recale Uxía os día 2 e 3 outubro. O 12, participará no Festival de Jazz de Belo Horizonte e o 14 no Grazzie a Dio de São Paulo. Finalmente, os músicos brasileiros Fred Martins e Sérgio Tannus acompañarán á artista galega nas últimas actuacións da xira, o 15 de outubro no Teatro Uff de Niteroi e o día 19, en Funarte, en Río de Xaneiro.

Da man do pianista e compositor das Illas Azores, Paulo Borges, a voz de Uxía percorre no disco camiños de sonoridades atlánticas e ritmos africanos.