Cineuropa abre un ciclo sobre cineastas emerxentes galegos

Cineuropa renderalle homenaxe ao novo cinema galego co ciclo Emerxentes, que constará de catro retrospectivas de membros da xeración máis nova de cineastas: Ángel Santos, Oliver Laxe, Claudia Brenlla e Xosé Manuel Bazarra. Onte, o Teatro Principal acolleu a primeira destas sesións especiais, a dedicada a Ángel Santos. A vindeira sesión, a de Oliver Laxe, terá lugar mañá, 13 de novembro. Ademais de tres das súas curtas, o cineasta presentará un avance da súa primeira longa, con orixe no proxecto Dao Byed, unha experiencia educativa e fílmica que comparte cuns nenos na cidade de Tánxer. A liberdade creativa da súa obra maniféstase sobre todo nun marcado e persoal experimentalismo narrativo.