Linatakalam, unha coprodución internacional con aposta galega

Un equipo integrado por profesionais de Galicia, Italia e Marrocos percorrerá a partir de hoxe o Mediterráneo para rodar a serie internacional Linatakalam, unha importante coprodución da produtora galega IBISAtv, que conta co padroado oficial do Grupo de Alto Nivel da ONU para a Alianza de Civilizacións.

Linatakalam (que significa Falemos..., en árabe) aborda o diálogo e a convivencia entre os pobos e culturas do Mediterráneo como fórmula de entendemento. A serie deu os seus primeiros pasos no Cumio Euromediterránea e na Reunión do Grupo de Alto Nivel da ONU para a Alianza de Civilizacións, entrevistando a destacados líderes políticos e culturais: o Nobel Desmond Tutu ó iraniano Khatami, os primeiros ministros de España e Marrocos, Zapatero e Driss Jettou, e os copresidentes da Alianza de Civilizacións, Mayor Zaragoza e Mehmet Aydin.

O equipo formado por IBISAtv está dirixido polo xornalista Valentín Carrera e percorrerá durante mes e medio Marrocos, Turquía, Sicilia, España, Tunisia e Exipto. A serie comeza coa canción "Mediterráno" de Joan Manuel Serrat e conta con música orixinal do grupo valenciano L´Ham de Foc; as coreografías e os "halka" serán gravados nos estudos Mans da Coruña. A serie será distribuída internacionalmente por Filmax en castelán, galego, árabe e francés.