A tele dos bispos emite pornografía por interferencias

Tmt-Popular Tv, a cadea de televisión local participada pola Conferencia Episcopal, emitiu un comunicado no que asegura que a súa emisión rexistra interferencias nalgunhas zonas de Madrid debido a unha canle que usa a súa frecuencia.

Por esta razón, a emisora asegura que se están a ver na súa sintonía espazos de quiromancia e pornografía.

A cadea sinala que as interferencias se producen desde o pasado 1 de xuño, que son "alleas á empresa" e que non ten "responsabilidade ningunha na programación que interfire".

Popular Tv atribúe as anomalías a "unha canle estranxeira".

A televisión insiste en que "non se responsabiliza das irregularidades en que están a incorrer os responsables desas interferencias" e engade que "espera que as autoridades obriguen a pechar as súas emisións o antes posible" e se lles apliquen "as sancións pertinentes".

A cadena Popular Tv dispón de licenza de TDT en Madrid e leva máis de cinco anos emitindo na Canle 56 de UHF. Tamén se pode sintonizar a través da Canle 39 da TDT (Televisión Dixital Terrestre) e a través do operador de cable denominado ONO pola Canle 72.