Falemos claro

Disque O Noso Alberto mete presión nas caixas avisando de que vai cambiar a lei a fume de carozo. Vaino facer dicindo e facendo exactamente o contrario do que facía e dicía hai uns días. Pero de sabios é rectificar. Xa postos a corrixir erros, por que non nos deixamos dunha vez destes debates da señorita Pepis sobre a galeguidade ou os centros de decisión e empezamos a falar claro? Por tamaño, posición e situación, o destino inevitable das nosas caixas é ter socios de fóra. Se seguen separadas, os socios virán por absorción. E se van xuntas, poderemos negociar unha fusión máis ou menos equilibrada. Ese é o debate. Esa é a decisión que cómpre tomar. O resto son contos para asustar ou durmir os nenos. antonlosada.blogspot.com