O inspector xeral do exército alemán e o secretario de Estado de Defensa dimiten horas despois de que o xornal 'Bild' os incriminara nunha ocultación de datos

O inspector xeral das Forzas Armadas alemás, Wolfgang Schneiderhan, e o secretario de Estado de Defensa, Peter Wichert, dimitiron hoxe despois de que un diario publicase que o Ministerio ocultou información sobre o número de vítimas civís falecidas nun bombardeo en Kunduz en setembro.

O actual ministro de Defensa, Karl-Theodor zu Guttenberg, comunicou as dimisións do militar de máxima gradación en Alemaña e o secretario de Estado nunha comparecencia ante o Bundestag, a cámara baixa do Parlamento alemán.

O diario "Bild" desvela hoxe un informe militar segundo o cal Defensa "tiña claros indicios" de que houbera mortos civís "apenas horas despois do ataque" aéreo, ordenado por un militar alemán, a pesar do cal, o entón ministro Franz Josef Jung afirmou durante días que o bombardeo só afectara a insurxentes talibán.