O Congreso dos Deputados apoiou hoxe con 183 votos o proxecto de Lei do Aborto que comeza así a súa tramitación parlamentaria tras superar cinco emendas á totalidade, que foron apoiadas por 162 deputados.
A lei contou co apoio dos deputados do PSOE, PNV, ERC-EU-ICV, NaBai e BNG. En contra votaron o PP, CC, UPyD, UPN e todos os deputados de CIU salvo Mercé Pigem, quen se abstivo.
A pesar de decidir apoiar a totalidade da lei, varios grupos expresaron o seu desacordo con certos puntos da mesma, en especial a posibilidade de que as menores de 16 anos poidan abortar sen o coñecemento dos seus pais e a falta de regulación da cláusula de conciencia do persoal sanitario.
No seu defensa da Lei, a ministra de Igualdade, Bibiana Aído, asegurou que, ó longo da tramitación da Lei do Aborto, intentarase "atopar un punto de equilibrio" entre as posicións dos grupos parlamentarios sobre a posibilidade de que as menores de 16 anos aborten sen consultar os seus pais.
A ministra explicou que o proxecto de lei foi "demandado na súa orixe, meditado na súa elaboración e equilibrado nos seus termos afastado de dogmatismos e imposicións morais".
No entanto, subliñou que "conscientes do intenso debate que xerou esta medida, trataremos de atopar un punto de equilibrio entre as diferentes propostas dos grupos en aras do maior consenso posible".
RSS
|
