Múgica: "Impórtame tres pementos que me excomunguen"

O defensor do Pobo, Enrique Múgica, expresou onte a súa indiferenza ante as consecuencias relixiosas que podería ter o seu apoio á reforma da Lei de saúde sexual e reprodutiva e interrupción voluntaria do embarazo con esta frase: "Impórtame tres pementos que me excomunguen ou non me excomunguen, eu creo na nova lei do aborto"

"Creo nesta lei de prazos que, ademais, existe en practicamente todos os países europeos, ata en Italia, onde está a Santa Sé", sinalou Múgica nunha entrevista en Punto Radio. No entanto, o apoio de Múgica ao proxecto do Goberno ten unha excepción, a potestade que terían as mozas de entre 16 e 18 anos de abortar sen coñecemento dos pais. "Isto paréceme unha bobada e estou convencido de que se restablecerá o bo sentido nunha lei que me parece necesaria", sentenciou. A nova lei superará hoxe o seu preimeiro atranco no Congreso con folgura.