Manipulación de partidos da UEFA

A UEFA anunciou onte que os clubs albaneses Tirana (ALB) e Vllaznia, o leitón Dinabur, o esloveno Ljubljana e o húngaro Budapest Honved son os cinco presuntamente implicados na trama que se investiga sobre manipulación de partidos por parte de mafias de apostas. Segundo un comunicado do secretario xeral da UEFA, Gianni Infantino, "da lista orixinal duns 40 partidos europeos que foron considerados sospeitosos en termos de resultados, a UEFA investiga con máis detalles sete encontros de competicións de clubs que están baixo a súa xurisdición". Só un deles, o Stabaek-Tirana xogado o 21 de xullo pasado, corresponde á liga de Campións, dentro da segunda fase de clasificación.

Catro pertencen a eliminatorias da segunda rolda clasificatoria da liga Europa, Yehuda Tel Aviv-Dinaburg e Vllaznia-Rapid Viena (ambos tanto nos choques de ida xogados o 16 de xullo e de volta disputados o 23 do mesmo mes) e dous á terceira fase desta competición, Ljubliana-Metalurh, o 6 de agosto, e Fenerbahce-Budapest Honved, o 30 de xullo.