Robert Prescott fala en Vigo sobre o "Beagle"

O profesor do Instituto Escocés do Océano da Universidade de St. Andrews (Reino Unido), Robert Prescott, considerado o maior experto mundial no Beagle, inaugura hoxe, ás oito da tarde, no Salón de Actos do Museo do Mar de Galicia, o ciclo de conferencias Darwin, navegando no Beagle, ciclo paralelo á exposición que leva o mesmo nome. Prescott, que participou no equipo británico que estudou a derrota do famoso barco e o seu derradeiro destino, falará sobre As últimas singraduras do Beagle, e estará acompañado polo historiador, arqueólogo e director do Museo do Cantábrico, José Luis Casado, que abordará a loxística das expedicións científicas da época e a do Beagle.