Hemeroteca web | RSS  RSS     Luns 21.05.2018
El Correo Gallego Radio Obradoiro CorreoTV Anova multiconsulting

Galicia Hoxe

Maré

en liña

Ana de Matos dálle imaxe a Estampa

A artista lucense é a encargada de realizar o cartel da feira madrileña do gravado

. REDACCIÓN   | 27.07.2006 
A- A+

Ana de Matos (Lugo, 1963) realizou a imaxe oficial da próxima edición de Estampa, a Feira Internacional do Gravado e as Edicións de Arte Contemporánea, que se celebrará en Madrid o próximo outono e que está considerada como unha das máis importantes do mundo. A artista, encadrada no movemento post-feminista, creou unha imaxe impactante, que utiliza o retrato dixitalizado da princesa Marie-Josée de Bélxica, saturado de cor e borrado polo efecto dunha man que oculta o seu rostro, para reflexionar sobre a historia de Occidente e a identidade das raíñas, agachada tras a carga dos símbolos.

Ana de Matos, que titulou a súa obra Hand Made II, xoga coa irrealidade que rodea as raíñas e as princesas, segundo son concibidas polo imaxinario social. Neste sentido, fai unha relectura do conto da Cincenta, "se cadra o máis importante da cultura popular pola promesa de ter poder e riqueza, presente na mente de moitas mulleres a través de frases como "esperar polo príncipe azul" ou tratarte como unha raíña", asegura a artista.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS