Hemeroteca web | RSS  RSS     Domingo 26.04.2020 Actualizado 00:00
El Correo Gallego Radio Obradoiro CorreoTV Anova

Galicia Hoxe

Maré

LIBRO

Crítica feroz do capitalismo

EFE   | 10.04.2011 
A- A+

Pertrechados con infinitas doses de ironía, Marcos Prior e Danide realizan unha crítica feroz do capitalismo nas páxinas do seu novo cómic, Fagocitosis, onde ambos os autores deciden axustar contas cos responsables da crise económica.

"Realízanse falsas predicións respecto da viabilidade das pensións, sectores estratéxicos da economía escapan ao control democrático vía privatizacións, os responsables de crimes económicos contra a humanidade eludiron a xustiza...", sinala o guionista Marcos Prior. Cargado de malicia e humor, o cómic convértese nunha aldrabada contra as partes máis abxectas da sociedade de consumo. "Pretendiamos crear un quebracabezas, unha vomitada de realidade, pero sen deixar de vista o lúdico. A prioridade tamén era buscar o pracer de ler un cómic", asegura Prior. A sucesión de historias curtas pode deixar o lector con sensación de perplexidade, pero conforme se avanza na lectura das páxinas, comeza a albiscarse unha sorte de paisaxe xeral onde todo vai adquirindo perfecto significado. "Este formato xorde desde o inicio como unha visión fragmentaria para achegarnos de maneira máis ou menos exacta á nosa percepción do mundo circundante", apunta.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS