Francisco López "múdase" á Biblioteca da Cidade da Cultura

Francisco López no ciclo ‘Galicia, ceo das letras’, na Cidade da Cultura FOTO: JESSICA BARCALA/AGN

O edificio da Biblioteca de Galicia da Cidade da Cultura, xa ten un novo inquilino: a Dirección Xeral do Libro, que se acaba de instalar na súa planta superior. Así, o confirmou onte o director xeral do Libro, Francisco López. "A nova Dirección Xeral do Libro, Bibliotecas e Arquivos vai ter a súa se­de, como é lóxico, tras a apertura da Biblioteca e o Arquivo de Galicia, na Cidade da Cultura", explicou o director xeral.

Na súa opinión, esta é un decisión razoable. "É lóxico que a Dirección Xeral pola súa re­lación co libro teña a súa sede aquí. Esta reestrutu­ración pretende profundzar nesta acción conxunta e coordinada das políti­cas cara ó libro, a lectu­ra e as bibliotecas", aclarou.

Tamén comentou a que se debe esta reestrutura­ción. "A parte de arquivos que estaba en Patrimonio, máis pola súa relación co tema das bibliotecas e o libro pasa a estar integrado dentro dunha estrutura funcional nesta nova Di­rección Xeral". Doutra banda, Francisco López adiantou que a Biblio­teca de Galicia facilitará carnés de investiga­dores, para acceder ós fondos do servizo.

Tamén engadiu que non haberá carnés de préstamos como os que teñen o resto de bibliotecas da comuni­dade galega. "Os visitantes poderán consultar os libros aquí, pero non haberá servizo de préstamo ós cidadáns".

Iso si, o director xeral precisou que a Biblioteca de Galicia si ce­derá ó resto de bibliotecas da comunidade exempla­res seus en depósito, para que os cidadáns poidan levalos á casa en emprés­tito. "A nosa función é ser cabeceira da Rede de Bibliotecas de Galicia. Porémolo en marcha este ano a través de maletas via­xeiras, clubs de lectura, para cursos, etc".

Na actualidade, dos 250.000 volumes que al­berga a Biblioteca de Ga­licia entre os seus muros, só hai expostos de momento uns vinte mil.