Hemeroteca web | RSS  RSS     Xoves 17.10.2019 Actualizado 14:56
El Correo Gallego Radio Obradoiro CorreoTV Anova

Galicia Hoxe

Maré

MARÉ HOXE

Mercedes Peón, número 1

‘Sós’, o último disco de Mercedes Peón, consolídase por segundo mes consecutivo como o número 1 da Wordl Music Charts Europe, a máis prestixiosa lista das Radios Nacionais Europeas. É, ademais, a primeira vez na historia que un disco galego acada tal posto. Trátase dunha busca persoal da artista, que segue a colleitar boas críticas

MARÉ   | 02.02.2011 
A- A+

ovidio aldegunde
O último disco da artista galega, ‘Sós’, non para de recibir recoñecementos dentro e fóra do país
FOTO: ovidio aldegunde

A prestixiosa revista Songlines escolleu Sós, o cuarto disco de Mercedes Peón, para o seu Top of the World e incluirá un tema na súa próxima edición. Ademais, segundo a publicación MixGrill, é o segundo mellor disco de world music do ano.

Escollido entre os álbums destacados da Radio France Internacional para xaneiro e febreiro, este traballo da artista galega segue a colleitar magníficas críticas e recoñecementos, sobre todo, fóra de Galicia. De feito, o xornal británico The Guardian, recoñécea como unha das artistas "máis autenticamente orixinais da escena musical española". O portal web alemán Globalsounds cualifica o seu mundo musical "profundamente arraigado e vangardista". Mentres que o diario sueco Svenska Dagbladet (SVD) asegura que "a súa música é certamente atmosférica (...) o que realmente fai ben Mercedes Peón é a amálgama rítmica, que funde na electrónica os instrumentos tradicionais dun xeito natural".

Mercedes Peón (A Coruña, 1967) é probablemente a compositora galega con máis proxección internacional. Despois de profundar na tradición deste país durante máis de 15 anos, no 2000 gravou o seu primeiro álbum, Isué. O segundo veu no 2003, Ajrú; e o terceiro no 2007, Sihá. Con eles conseguiu premios en todo o mundo tan relevantes como o que outorga a World Music Forum ou a revista FolkWordlk. Foi nomeada tamén nos BBC Awards, Premios Nacionais de Cultura Galega do Ano, entre outros. Unha das súas últimas fazañas: triunfar no Womex.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS