O escritor Henning Mankell, pola esquerda, o director do IES Rosalía de Castro, Ubaldo Rueda, e a escritora Inma López Silva FOTO: Jessica Barcala/AGN

Compostela converteuse onte en capital das letras grazas ós alum­nos e profesores do institu­to Rosalía de Castro, que compartiron co escri­tor sueco Henning Mankell a súa paixón pola literatura e a súa admiración por García Lorca, cuxa visita en 1932 á capital galega se recor­da xa cunha placa na fachada do centro. O novelista e dramatur­go sueco viaxou a Santiago para recoller o seu XV Premio San Cle­mente, que como xa vén sendo tradicional, tivo lu­gar no transcurso dun encontro con estudan­tes galegos de segundo de Bacharelato, os mesmos que o ano pasado elixiron o seu libro, El chino, por enci­ma de Chesil Beach, de Ian McEwan, e Tren nocturno a Lisboa, de Pascal Mercier.

Acompañado por outra das galardoadas nesa edición, a escritora Inma López Silva, Mankell sor­prendeu nas súas interlocuto­res falando nun perfecto galego portugués no que confesou a súa satisfacción por estar en Compostela e reco­ger un galardón outorgado por mozos lectores.

Neste sentido, o direc­tor do instituto Rosalía de Castro, Ubaldo Rueda, re­cordó que "Mankell non pu­ido estar presente no seu día para recoller o premio jun­to a López Silva e Martínez de Pisón e prometeu facelo tan pronto como lle foise posible". Fíxoo agora, en maio, o mes no que o centro educativo se centrou recordando a es­tancia de García Lorca en Santiago nunha homenaxe á que tamén quixo o su­marse o novelista sueco. "Son un admirador seu", sinalou, "e coma el, son un gran defensor do teatro". Neste sentido, Rueda re­cordou que "Mankell repre­sentou en Mozambique La casa de Bernarda Alba e co­mo o granadino, se expre­sa en galego e quedou fascinado pola cidade". Manke­ll falou de literatura, dos seus libros, do personaxe do inspector Wallander que o fixo famoso e dos seus proxectos máis inmediatos, entre eles un documental sobre o cineasta Ingmar Bergman, pai da súa muller. Pero tamén falou de política, da súa defensa da causa palestina e o seu com­promiso coa Flotilla da Liberdade, da situación que se vive en África, en Europa e en Exipto, e da posición mundial que ocu­pa actualmente China.