Hemeroteca web | RSS  RSS     Luns 21.08.2017 Actualizado 18:56
El Correo Gallego Radio Obradoiro CorreoTV Anova multiconsulting

Galicia Hoxe

Maré

Obra

Un volume en inglés reúne até 300 textos da literatura galega

De Castelao, Dieste ou Rosalía

REDACCIÓN   | 29.10.2010 
A- A+

Breogán"s Lighthouse: An Anthology of Galician Literature (O faro de Breogán: Unha Antoloxía da Literatura Galega) é a antoloxía en inglés sobre as letras do país, que recolle preto de 300 textos en galego e inglés e conta cunha introdución do profesor Luciano Rodríguez e un ensaio do académico Manuel González.

A obra recolle, segundo indica na presentación editorial, a "florecente literatura da época medieval", así como a escasa produción durante os Séculos Escuros até a súa recuperación no XIX. A selección inclúe textos de A Gaita Gallega, a colección seminal de Xoán Manuel Pintos, e as obras de Rosalía de Castro (Cantares Gallegos), Eduardo Pondal, Manuel Curros Enríquez, Ramón Otero Pedrayo, Vicente Risco, Alfonso Rodríguez Castelao ou Rafael Dieste.

Tamén inclúe a produción de literatura galega no exilio tras a guerra civil así como a escrita dos séculos XX e XXI, "cando a lingua e a literatura galegas adquiriu unha nova confianza". O volume conta co financiamento da Xunta de Galicia e do Centro Ramón Piñeiro e ten o apoio do Amergin University Institute for Irish Studies da Universidade de Coruña.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS