Hemeroteca web
|
RSS
Xoves 17.05.2012
| Actualizado 02.02
Silvio Berlusconi sempre foi Il Cavaliere da política e da empresa italiana pola súa fama de Don Xoán e conquistador. Logo o glamour que alguén puidese ver neste empresario populista reconvertido en político desapareceu e non foi polos seus 72 anos nin polas operacións de estética senón porque se transformou no Papi de moitas velinas novas ás que axudaba a promocionarse, un apelativo que lle provocou o divorcio e o desprezo da súa última esposa, Verónica Lario. Pero para un dos homes máis ricos e orgullosos de Italia, tres veces primeiro ministro, ser rebaixado a usuario final dunhas prostitutas supón un golpe moito máis forte que as múltiples acusacións de corrupción, suborno e abuso de poder que ten ás súas costas.
Berlusconi pasa por días baixos, todo debido, denuncia el, a un complot da prensa de esquerda, tanto italiana como internacional, de comunistas e "desgraciados" que queren desprestixialo. Pero as críticas á súa conduta chegaron ata de bispos, amigos e xornais afíns. Despois do escándalo de como elixía bailarinas e modelos para confeccionar as súas listas, comezaron as festas na súa mansión romana de Grazioli ou en Vila Certosa, en Sardeña, as polémicas fotos, os intentos de censura por parte do goberno, os supostos usos privados de avións públicos... e os italianos comezan a fartarse.
