Hemeroteca web | RSS  RSS     Domingo 26.04.2020 Actualizado 00:00
El Correo Gallego Radio Obradoiro CorreoTV Anova

Galicia Hoxe

Opinión

CARA OU CRUZ

XOSÉ A. PEROZO

Comedores escolares

15.04.2011 
A- A+

Os comedores escolares foron un avance social e educativo. Existiron desde tempos remotos nalgúns centros da Igrexa, máis relacionados coa caridade que co ensino, pero foi na II República cando se pensou neles como unha fórmula eficaz para universalizar o acceso á cultura das clases menos favorecidas. Hoxe os comedores escolares teñen unha importante función como instrumentos para conciliar a vida laboral de pais e nais coa asistencia a clase dos nenos e nenas. Porén, hai comunidades como a galega na que este servizo carece do apoio que a Xunta, como administración da que depende a educación, non presta adecuadamente.

Os comedores escolares dos centros públicos son xestionados polas AMPAS nun esforzo voluntarioso que na meirande parte dos casos supera a súas capacidades. Hai casos nos que os concellos achegan recursos e apoio, pero tamén resulta insuficiente. Estes días estamos asistindo ó abandono dalgunhas AMPAS deste labor administrativo extra, mentres a Consellería de Cultura garda silencio ou bota balóns fóra. Estamos ante a apertura dunha billa que vai verter moita auga e discusións políticas, pero sobre todo, unha vez máis, diante dunha situación que vai prexudicar as familias máis necesitadas e os alumnos máis desamparados..

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS