Hemeroteca web
|
RSS
Xoves 17.05.2012
| Actualizado 02.02
Titúlase A ditadura da incompetencia e é un libro, de momento só en catalán, claro e directo: vivimos nun país de dirixentes ineptos e con moitos corruptos que teñen enganado o cidadán a través dos medios de comunicación amigos. Xavier Roig, empresario e profesor, descubriu que o 68% dos que toman decisións políticas e económicas na súa rexión –no resto de España son o 72%– son funcionarios de soldo fixo ata a xubilación, que entran e saen de cargos executivos sen arriscaren ren. Fan perder 47 días en papelorios empresariais que en Australia se fan en dous. Mercan votos con subvencións, o que explica que cun paro do 8% entrasen en España cinco millóns de inmigrantes. Políticos sen mérito profesional ningún, 3,3 millóns de funcionarios e empregados públicos crecentemente influentes e protexidos das inclemencias do mercado. Que rexeitan a verdadeira libre competencia porque doutra forma non poderían sobrevivir.
Pero as clases modestas axúdanlles: pola súa orixe socioeconómica e educación e propaganda recibidas, desconfían do resto do mundo, polo que a clase política, cada vez máis corrupta, mira con malos ollos o cidadán independente, ignorando de onde sae a riqueza que lle pon o prato para comer, e, mentres, o pseudoprogresismo social esquerdista segue contra o libre mercado e a libre iniciativa.
