Hemeroteca web  |  RSS   RSS
Sábado 25.10.2014  | Actualizado 00.44

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Portada  |   RSS - Portada RSS

Antón Reixa reivindica o papel de "cooperativa" para a SGAE fronte ao modelo de "yonki do diñeiro" de Teddy Bautista

SANTIAGO. EP  | 18.03.2012 
A- A+

O candidato a presidir a Sociedade Xeral de Autores (SGAE), Antón Reixa, asegurou que esta entidade "non debería ser percibida como un poder fáctico", senón que "dalgunha forma é unha cooperativa" para xestionar conxuntamente os dereitos de autor. "E creo que é un ben da sociedade civil", apostilou.

Nunha entrevista concedida a Radio Nacional de España, que recolle Europa Press, Reixa contrapuxo o novo camiño que se propón iniciar na SGAE coa súa candidatura fronte ao modelo do expresidente Teddy Bautista que "se converteu nun profesional dos dereitos de autor".

Tras valorar a carreira artística de Bautista, Antón Reixa criticou que o seu "último salario foron 350.000 euros" á fronte desta entidade, polo que cre que se "ao presidente da SGAE lle pagas 350.000 euros estás a fabricar un monstro, un yonki do diñeiro que non vai querer volver regresar á súa actividade normal".

Así, Reixa defendeu o papel da SGAE na sociedade, ao tempo que xustificou que sexan os propios autores os encargados de recadar o resultante dos seus dereitos de autor, fronte á "febre neoliberal" para que esta función a desempeñe a Administración "ou managers", polo que confía "máis" na "autorregulación da propia industria cultural".

"O dereito de autor é unha forma bastante máis ecuánime do que normalmente poidamos pensar respecto á remuneración dos creadores", xustificou, para explicar que "se a sociedade en conxunto funcionase así, todas as actividades económicas serían máis xustas e retributivas".

 Así mesmo, considera que a Rede Arteria "supuxo unha dexeneración do que era un bo propósito", en relación á débeda producida e apostou por "reestruturala" e "desfacerse" dela.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS