Un empresario de orixe galego fincado en Venezuela permanece secuestrado en Venezuela desde hai varias semanas, confirmou hoxe o Ministerio de Asuntos Exteriores.
Trátase do pontevedrés Raimundo Reinoso, de 57 anos, que foi capturado o pasado 26 de febreiro cando se dirixía ó seu taller mecánico nunha urbanización ó leste de Caracas.
Os familiares do empresario non formalizaron a denuncia ata o pasado 3 de marzo seguindo as instrucións dos secuestradores que os ameazaron con matar o refén se poñían o caso en coñecemento das autoridades.
Fontes da Xunta indicaron que descoñecían o secuestro, do que tiveron coñecemento a través dos medios de comunicación, e subliñaron que intentarán contactar co Consulado español en Caracas durante a xornada para obter máis información sobre o sucedido e pór en marcha o protocolo habitual nestes casos.
RSS
|
