Hemeroteca web | RSS  RSS     Xoves 21.11.2019 Actualizado 20:43
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Portada  |   RSS - Portada RSS

O XIII Correlingua comeza este mércores en Ourense coa lema "Galego todo o que buscas"

A CORUÑA. EP  | 01.05.2012 
A- A+

A XIII edición do Correlingua, actividade lúdico-educativa de reivindicación da lingua galega, arrincará este mércores, día 2, en Ourense, para terminar o día 16 en Viveiro (Lugo) tras percorrer un total de 12 localidades galegas, segundo informan os organizadores nun comunicado.

A Asociación Socio-Pedagóxica Galega, CIG-Ensino e a Mesa pola Normalización lingüística, xunto cos concellos de Lugo, Ourense, Pontevedra e Vigo promoven esta actividade.

Tras o seu paso por Ourense, as carreiras, que terminarán con espectáculos teatrais e musicais dirixidos ao alumnado, pasará por Narón, A Coruña, Santiago, Lugo, Pontevedra, Vigo, Tui, Moaña, Silleda, Monforte e Viveiro.

Nun comunicado, os organizadores aseguran que durante o percorrido reivindicarase "a plena normalización" do galego  mediante un manifesto escollido entre un concurso entre o alumnado e que, nesta edición, gañaron estudantes de cuarto de Educación Secundaria Obrigatoria do CPI de Pontecesures.

As festas finais do Correlingua, ademais de contar coa participación de alumnado, incluirá diversas actuacións coa presenza da actriz Iria Sobrado, o grupo de música  infantil Pirilampo e dúas dos grupos gañadores do concurso musical Cantalingua 2012.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS