Apañarse con 229 millóns

A Facultade de Filoloxía, no campus norte, acolleu onte a reunión do claustro da USC, que votou a favor dos presupostos para este ano FOTO: ANTONIO HERNÁNDEZ

O goberno de Juan Casares Long logrou onte no claustro a aprobación das súas primeiras contas, que prevén para este ano 229 millóns de euros, unha tesoirada do 6,8% sobre os presupostos do exercicio anterior.

As liñas xerais presu­postarias da USC para 2011, as primeiras de Casares á fronte do reito­rado, salváronse onte por un puñado de votos das tres emendas coas que +Ideas, Universidade Aberta (UA) e A Trabe pediron a retirada do texto ou a súa devolución ou aprazamento. Tras un acciden­tado reconto que obrigou a repetir a man alzada ata tres ve­ces a única votación na que confluíron as tres emendas, o texto logrou o apoio de 96 claustrais, por 9 votos máis cós parti­darios da súa retirada. Outros 15 votos foron en branco.

A votación final con­seguiu, con todo, un apoio máis folgado: 91 votos a favor (o 50,8%,), en­tre eles os de Converxen­cia; 57 en contra (UA, CAF, Sindicato de Estudantes e A Trabe) e 31 en branco. Esta última foi a opción final de +Ideas, que criticou a in­concreción do texto e que non se presentase antes na comisión de economía. O voceiro do novo colectivo docente -impul­sado por membros da extinta PUP dos ex reito­res Barro, Villanueva e Pa­jares- recoñeceu, iso si, que a explicación da vice­rreitora de Economía, Sara Cantorna, foi máis clarifica­doroa. "Pero non podemos presentar emendas á in­tervención da vicerreitora", lamentou Enrique Macías.

UA baseou a súa crítica en que as liñas incumpren o mandato estatutario de presentarse coñecéndose xa a programación pluri­anual. Cantorna xustificou a demora argumentando que o plan de financiamento da Xunta que a condiciona­rá aínda se segue negociando e recordou que o anterior reitorado tamén incum­priu esta orde temporal.

O persoal de adminis­tración e servizos (PAS) nacionalista da Trabe tamén criticou que se tra­tase de aprobar o docu­mento sen coñecerse o plan de sustentabilidade que a USC presentará ó Execu­tivo galego en febreiro.

Cupas, pola súa banda, coin­cidiu coa Trabe, +Ideas e UA á hora de reprocharlle ó reitor que non pedise ó claustro opinión sobre o plan plurianual de financiamento das univer­sidades antes de rubricalo. Lourenzo Fernández Prie­to (UA) -o seu rival final na campaña electoral- engadiu ademais que isto tería feito á USC "máis forte" na negociación dun marco que non contenta a ninguén na institución académica.

Casares encaixou ben as críticas, recoñeceu que "probablemente o proceso se puido facer mellor e que houbese máis diálogo" e coincidiu cos críticos en subliñar a escaseza do plan, pero insistiu en que os tres reitores o acep­taron porque entenderon que non tiñan capacidade de modificalo nun contexto de maiores recortes presu­postarios . "Chegar a 450 millóns de euros en 2015 -para as tres universidades- é avanzar moi pouco dende un punto de partida moi baixo", valorou.

No 2011 a USC deberá apañarse con 229 millóns, -dos cales 149,26 millóns son para cubrir gastos de persoal- non só pola redución do recentemente estreado plan de financiamento plurianual senón tamén, pola "situación económica intrínseca da USC dende hai anos", na que, engade e, "había un déficit de máis de 15 millóns".